2015 jylǵy 20 sáýir, Astana qalasy
Áleýmettik qyzmetkerler mamandyqtarynyń tizbesin, olardy daıarlaý men biliktiligin arttyrý standarttaryn bekitý týraly
«Arnaýly áleýmettik qyzmetter týraly» 2008 jylǵy 29 jeltoqsandaǵy Qazaqstan Respýblıkasy Zańynyń 10-babynyń 4) tarmaqshasyna sáıkes buıyramyn:
1. Mynalar:
1) osy buıryqqa 1-qosymshaǵa sáıkes áleýmettik qyzmetkerler mamandyqtarynyń tizbesi;
2) osy buıryqqa 2-qosymshaǵa sáıkes áleýmettik qyzmetkerlerdi daıarlaý jáne biliktiligin arttyrý standarttary bekitilsin.
2. Joǵary, joǵary oqý ornynan keıingi bilim jáne halyqaralyq yntymaqtastyq departamenti (J.Q. Shaımardanov) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqty resmı jarııalaýdy;
3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri T.O. Balyqbaevqa júktelsin.
4. Osy buıryq alǵashqy resmı jarııalanǵan kúninen bastap qoldanysqa engiziledi.
Mınıstr A.SÁRINJIPOV
Qazaqstan Respýblıkasy Bilim jáne ǵylym mınıstriniń
2015 jylǵy 20 sáýirdegi №220 buıryǵyna 1-qosymsha
Áleýmettik qyzmetkerler mamandyqtarynyń tizbesi
Kod Beıindi bilim, mamandyqtar men kásipter ataýy
1. Tehnıkalyq, kásiptik jáne orta bilimnen keıingi mamandyqtar*
0500000 - Servıs, ekonomıka jáne basqarý
0501013 Áleýmettik jumys boıynsha maman
0501023 Halyqty áleýmettik qorǵaý uıymdaryndaǵy maman
2. Joǵary jáne joǵary oqý ornynan keıingi mamandyqtar*
Bilim
5V010200 Bastaýyshta oqytý pedagogıkasy men ádistemesi
5V010300 Pedagogıka jáne psıhologııa
5V010500 Defektologııa
5V010100 Mektepke deıingi oqytý jáne tárbıeleý
5 . Áleýmettik ǵylymdar, ekonomıka jáne bıznes
5V050100 Áleýmettaný
5V050300 Psıhologııa
5V050600 Ekonomıka
9. Qyzmet kórsetý
5V090500 Áleýmettik jumys
6M090500 Áleýmettik jumys
6D090500 Áleýmettik jumys
11. Densaýlyq saqtaý jáne áleýmettik qamtamasyz etý (medısına)
5V110100 Meıirbıke isi
6M110300 Meıirbıke isi
5V110200 Qoǵamdyq densaýlyq saqtaý
13. Densaýlyq saqtaý jáne áleýmettik qamtamasyz etý (medısına)
5S130100 Jalpy medısına
Eskertpe: *Tizbege 2009 jylǵy 20 naýryzdaǵy № 131-od Joǵary jáne joǵary oqý ornynan keıingi mamandyqtar jikteýishi jáne 2008 jylǵy 3 maýsymdaǵy № 273-od Tehnıkalyq jáne kásiptik, orta bilimnen keıingi bilim kásipteri men mamandyqtar jikteýishi negizinde áleýmettik qyzmetkerlerdi daıarlaý jáne biliktiligin arttyrý úshin usynylatyn mamandyqtar endi.
Qazaqstan Respýblıkasy Bilim jáne ǵylym mınıstriniń
2015 jylǵy 20 sáýirdegi №220 buıryǵyna 2-qosymsha
Áleýmettik qyzmetkerlerdi daıarlaý jáne biliktiligin arttyrý standarttary
1. Jalpy ereje
1. Áleýmettik qyzmetkerlerdi daıarlaý jáne biliktiligin arttyrý standarttary (Standart) «Bilim týraly» 2007 jylǵy 27 shildedegi Qazaqstan Respýblıkasynyń Zańyna, «Arnaýly áleýmettik qyzmetter týraly» 2008 jylǵy 29 jeltoqsandaǵy Qazaqstan Respýblıkasynyń Zańyna, «Bilim berýdiń tıisti deńgeıleriniń memlekettik jalpyǵa mindetti bilim berý standarttaryn bekitý týraly» Qazaqstan Respýblıkasy Úkimetiniń 2012 jylǵy 23 tamyzdaǵy № 1080 qaýlysyna, Qazaqstan Respýblıkasy Eńbek Kodeksine, Qazaqstan Respýblıkasy Eńbek jáne halyqty áleýmettik qorǵaý mınıstriniń 2012 jylǵy 2 aqpandaǵy № 31-ó-m buıryǵymen bekitilgen halyqty áleýmettik qorǵaý jáne jumyspen qamtý júıesi basshylarynyń, mamandarynyń jáne basqa da qyzmetshileri laýazymdarynyń úlgilik biliktilik sıpattamalaryna (Normatıvtik quqyqtyq aktilerdi memlekettik tirkeý tiziliminde № 7442 tirkeldi) sáıkes ázirlendi.
2. Áleýmettik qyzmetkerlerdi daıyndaý «Bilim týraly» 2007 jylǵy 27 shildedegi Qazaqstan Respýblıkasynyń Zańyna, «Bilim berýdiń tıisti deńgeıleriniń memlekettik jalpyǵa mindetti bilim berý standarttaryn bekitý týraly» Qazaqstan Respýblıkasy Úkimetiniń 2012 jylǵy 23 tamyzdaǵy № 1080 qaýlysyna, «Tehnıkalyq jáne kásiptik bilim berý mamandyqtary boıynsha úlgilik oqý baǵdarlamalary men úlgilik oqý josparlaryn bekitý týraly» Qazaqstan Respýblıkasy Bilim jáne ǵylym mınıstrliginiń 2013 jylǵy 24 sáýirdegi № 150 buıryǵyna (Normatıvtik quqyqtyq aktilerdi memlekettik tirkeý tiziliminde № 8489 tirkeldi), Qazaqstan Respýblıkasy Úkimetiniń 2013 jylǵy 17 mamyrdaǵy № 499 qaýlysymen bekitilgen Joǵary jáne joǵary oqý ornynan keıingi bilim berý uıymdary qyzmetiniń úlgilik qaǵıdalaryna, úlgilik oqý josparlaryna sáıkes júzege asyrylady.
3. Osy Standarttar áleýmettik qyzmetkerlerdiń sapasyn arttyrýyna qoıylatyn talaptardy retteıdi jáne oqytýdyń merzimderi men uzaqtyǵyn, tyńdaýshylardyń oqytýǵa qoıylatyn talaptaryn anyqtaýyn, biliktilikti arttyrýdy uıymdastyrýdyń túrlerin qamtıtyn áleýmettik qyzmetkerlerdiń biliktiligin arttyrý tártibin qarastyrady.
4. Standart erejelerin Qazaqstan Respýblıkasynda menshik nysanyna, vedomstvolyq baǵynyshtylyǵyna jáne uıymdastyrý-quqyqtyq nysanyna qaramastan áleýmettik qyzmetkerlerdiń biliktiligin arttyrýdy júzege asyratyn mekemeler men uıymdar qoldanýǵa jáne saqtaýǵa mindetti.
5. Osy Standartta kelesi negizgi uǵymdar qoldanylady:
1) biliktilikti arttyrý-buryn alynǵan kásiptik bilimdi, iskerlik pen daǵdyny qoldaýǵa, keńeıtýge, tereńdetýge jáne jetildirýge múmkindik beretin kásiptik oqytýdyń nysany;
2) biliktilikti arttyrý mekemeleri jáne uıymdary (budan ári-uıym)-kásiptik bilim men daǵdyny tereńdetý maqsatynda áleýmettik qyzmetkerlerdiń kásiptik biliktiligin arttyrý boıynsha bilim berý oqý baǵdarlamalaryn iske asyratyn, áleýmettik jumystyń tıimdiligin qamtamasyz etetin áleýmettik saladaǵy ınnovasııalyq prosesterdi qoldaýdy júzege asyratyn uıym;
3) áleýmettik qyzmetker-arnaıy áleýmettik qyzmet kórsetetin jáne (nemese) arnaıy áleýmettik qyzmet kórsetýde qajettilikti baǵalaýdy jáne anyqtaýdy júzege asyratyn, bekitilgen talaptarǵa sáıkes keletin qajetti mamandyqqa ıe qyzmetker;
4) tyńdaýshylar-biliktilikti arttyrýdy ótetin áleýmettik qyzmetkerler;
5) tapsyrma berýshi-biliktilikti arttyrýǵa baılanysty qyzmet kórsetýge tapsyrysty júzege asyratyn jeke nemese zańdy tulǵa;
6. Biliktilikti arttyrý uıymdarynyń túrleri:
1) Eńbek, áleýmettik qorǵaý jáne kóshi-qon komıtetiniń oblystyq departamentteri, Densaýlyq saqtaý basqarmalary;
2) oblystyq Jumyspen qamtýdy úılestirý jáne áleýmettik baǵdarlamalar basqarmalary, oblystyq mańyzy bar qalalardyń aýdandardyń jumyspen qamtý jáne áleýmettik baǵdarlama bólimderi;
3) bilikti mamandardy tarta otyryp, arnaıy áleýmettik qyzmetterdi usynatyn uıymdar;
4) tehnıkalyq jáne kásiptik, orta bilimnen keıingi, joǵary jáne qosymsha kásiptik bilimniń bilim berý baǵdarlamalaryn iske asyratyn bilim berý mekemeleri;
5) menshik nysanyna qaramastan bilim berý oqý baǵdarlamalaryn iske asyratyn áleýmettik qyzmetkerler biliktiligin arttyrý oqý ortalyqtary (óńirlik, óńiraralyq, salalyq).
2. Áleýmettik qyzmetkerlerdi daıarlaý jáne biliktiligin arttyrý standarttary
7. Áleýmettik qyzmetkerlerdiń biliktiligin arttyrýdyń maqsaty men mindetteri:
1) kásibı bilimin tereńdetý men jańartý;
2) praktıkalyq daǵdylaryn jetildirý;
3) zamanaýı talaptarǵa sáıkes keletin kásibı quzyrettiligin damytý;
4) ǵylymnyń zamanaýı jetistikterin jáne áleýmettik jumystyń praktıkalyq sheteldik jáne otandyq tájirıbesin zerdeleý;
5) kásibı qyzmette jańartylǵan teorııalyq bilimderdi belsendi túrde qoldaný.
8. Biliktilikti arttyrý oqý semınarlary, kýrstar-semınarlar jáne áleýmettik jumys mektepteri arqyly júzege asyrylady.
9. Biliktilikti arttyrý júrgiziledi:
1) óndiristen qol úzip;
2) óndiristen qol úzbeı;
3) óndiristen jartylaı qol úzip;
4) qashyqtyqtan oqytý tehnologııalaryn qoldaný arqyly.
10. Biliktiligin arttyrýdy uıymdardyń basshylary, áleýmettik qorǵaý mekemeleriniń qurylymdyq bólimsheleriniń basshylary, áleýmettik jumys jónindegi mamandar, sarapshylar, arnaıy áleýmettik qyzmetterge qajettilikti baǵalaýdy jáne anyqtaýdy júzege asyratyn áleýmettik qyzmetkerler, kútim boıynsha biliktiligi joǵary deńgeıdegi áleýmettik qyzmetkerler, zeınetaqy men tólemaqylardy tóleý boıynsha uıymdardyń mamandary, eńbekpen qamtý ortalyǵynyń (qyzmettiń) qurylymdyq bólimshelerdiń (bólimniń, salanyń, toptyń) mamandary, áleýmettik jumys boıynsha konsýltanttar, dárigerlik ambýlatorııanyń áleýmettik qyzmetkerleri ótedi.
11. Áleýmettik qyzmetkerler barlyq eńbek qyzmetinde árbir bes jyl ishinde keminde bir ret biliktiligin arttyrady.
12. Biliktiligin arttyrýdan ótken qyzmetkerler jumys berýshiniń kelisimimen jumystan bosatylady nemese tolyq emes jumys kúni jaǵdaıynda jumys atqarady.
13. Biliktilikti arttyrý áleýmettik qorǵaý, densaýlyq saqtaý, sondaı-aq basqa da mekemelermen, kásiporyndarmen, uıymdarmen jasalǵan sharttar negizinde júzege asyrylady.
14. Biliktilikti arttyrý bıýdjettik qarajat, sondaı-aq uıymdardyń tyńdaýshylary oqý aqysyn tóleýden alynǵan qarajattar esebinen júzege asyrylady.
15. Oqytý uzaqtyǵy tapsyrys berýshiniń qajettilikterin eskerip, oqý baǵdarlamalarynyń kólemi men mazmunyna baılanysty, biraq 4 aıdan aspaıdy.
16. Biliktilikti arttyrý áleýmettik qyzmetkerlerdiń kásibı bilimderi men praktıkalyq jumys tájirıbesin eskeretin qosymsha bilim berýdiń kásiptik oqý baǵdarlamalary boıynsha júrgiziledi.
17. Baǵdarlama mazmuny biliktilikti arttyrýdy ótetin tyńdaýshylardyń kontıngentine baılanysty anyqtalady.
18. Dáris sabaqtarynyń kólemi aýdıtorııalyq sabaqtardyń jalpy kóleminiń 30 (otyz) paıyzynan artyq bolmaýy tıis. Bir akademııalyq saǵat 45 mınýtty quraıdy.
19. Tıisti bilim berý baǵdarlamasyn iske asyratyn Uıym óz betinshe tapsyrys berýshiniń qajettilikterin eskerip, oqytýdyń merzimin, nysanyn, mazmuny men tehnologııasyn anyqtaıdy.
20. Biliktilikti arttyrýdyń oqytý baǵdarlamalaryn meńgerý baldyq júıe boıynsha baǵalaýmen tyńdaýshynyń tıisti baǵdarlama boıynsha emtıhan tapsyrýyn qajet etetin mindetti qorytyndy attestattaýmen aıaqtalady:
1) qysqa merzimdi baǵdarlamalar boıynsha biliktilikti arttyrý - testileý nysandaǵy emtıhan;
2) 72 saǵattan artyq biliktilikti arttyrý baǵdarlamasy boıynsha - testileý jáne qorytyndy jumysty qorǵaý nysandaǵy emtıhan;.
21. Biliktilikti arttyrý sheńberinde bilim alǵan jáne emtıhandy sátti tapsyrǵan tyńdaýshylarǵa sertıfıkat beriledi.
Buıryq Qazaqstan Respýblıkasynyń Ádilet mınıstrliginde 2015 jylǵy 20 mamyrda Normatıvtik quqyqtyq kesimderdi memlekettik tirkeýdiń tizilimine №11089 bolyp engizildi.